Maxsus pedagogika (logopediya)

Maxsus pedagogika – Pedagogika va psixologiya bilim sohasining muhim yo‘nalishlaridan biri bo‘lib, u turli rivojlanishida nuqsoni bo‘lgan bolalarni o‘qitish va tarbiyalash, maxsus taʼlim muassasalari faoliyatini samarali tashkil etish hamda korreksion-pedagogik metodlarni qo‘llashni o‘rganadi. Ushbu yo‘nalishda taʼlim oluvchilar logopediya, surdopedagogika, tiflopedagogika, oligofrenopedagogika kabi yo‘nalishlar bo‘yicha nazariy va amaliy bilimlarga ega bo‘ladilar.

Yo‘nalishning asosiy vazifasi – jamiyatda inklyuziv taʼlimni rivojlantirish, maxsus ehtiyojli bolalar bilan ishlashda zamonaviy metod va yondashuvlardan foydalanish, ularda ijtimoiy moslashuv va mustaqil hayot ko‘nikmalarini shakllantirishdir. Bitiruvchilar maxsus maktablar, logopedik punktlar, inklyuziv taʼlim muassasalari, reabilitatsiya markazlari hamda psixologik-pedagogik xizmat ko‘rsatish tashkilotlarida faoliyat yuritish imkoniyatiga ega bo‘ladilar.